KISS - Keep it simple stupid

3 O opinbert

2005-03-20T18:15:00.000Z

Vil þakka öllum sem komu í afmælisboðið okkar í gærkvöldi fyrir mikla skemmtun. Ég er búin að heyra fréttir af mönnum sem vissu ekki einu sinni hvernig þeir komust heim.
Players stóð sig vel, starfsfólkið þar sinnti okkur mjög vel.
Við fengum margar flottar gjafir, vinnufélagarnir gáfu mér svakalegan þrífót fyrir nýju myndavélina mína og fjarstýringu núna get ég tekið fullkomlega óhreyfðar myndir.
Annars snérust flestar gjafirnar um þrennt, myndatöku, mat og vín. Mér líst rosalega vel á þessa þrennu.
Fékk bók um myndatöku enda græðir maður ekkert á því að eiga græjurnar ef maður veit ekki hvernig á að nota þær.
Ég fékk allt sem ég þarf til að búa til frábæra máltíð frá A-Ö. Félagarnir gáfu mér þetta flotta gasgrill, gamla grillið á nákvæmlega 5 ára afmæli um þessar mundir, gaman að rifja upp samsetninguna á því í Vallarásnum. Svo fékk ég inneign á hráefni frá Gallerí kjöti frá systkinahópnum mínum ásamt svuntu og kokka hatt. Fékk einnig bók um grillmat og rauðvínsdóts sett, ásamt einhverjum 3 flöskum af rauðvíni. Svo fékk ég rosalega flottan gler kertadisk, á eftir að líta vel út á borðinu með þessu og svo skálar fyrir meðlæti í öllum stærðum. Spurning hvort maður eigi að nota leikhúsmiðana fyrir eða eftir máltíðina :-)
Úff man ekki meira, þarf að fara að elda kvöldmat. Hugsa að þetta verði síðasta máltíðin á gamla grillinu, ekki búinn að setja þetta nýja saman ennþá. Hamborgarar í kvöldmatinn.

Vinna ekkert blogg

2005-02-21T17:35:00.000Z

Ég er ekkert að blogga vegna þess ég hef ekkert til að blogga um. Ég er í vinnunni 14 tíma á dag og 8 tíma um helgar. Við erum í hrikalegu átaki hérna núna. Ég hef aldrei séð annað eins verkefni.
Annars er ég að velta fyrir mér hvort Players sé rétti staðurinn fyrir afmælið mitt. Gæti verið að þetta verði haldið heima. Ég er búinn að finna afmælisgjöfina mína, hún er hér Canon 350d
p.s. ég sakna fjölskyldunar minnar ægilega

Líkamsrækt

2005-02-17T09:21:00.000Z

Skellti mér í ræktina í morgun. Tók klukkutíma og 5 mínútur, með þjálfaraleiðsögn. Þetta er bara fínasta stöð og tækin tóku vel á móti mér. Stefni á að hreyfa mig eitthvað á næstunni. Þarf að losna við svona 7 kíló fyrir Portúgal :-) Allaveganna þá sagði þyngdarmælingartæki að ég væri 88, við sjáum til með það.

Keila ++

2005-02-16T11:59:00.000Z

Jæja, við lentum í 3. sæti í keilumótinu, NEI það voru ekki 3 lið. Þau voru 10. Við unnum meira segja lið sem mættu með eigin kúlur í gay töskum á hjólum.

Er annars endalaust í vinnunni...

Búið er að ákveða dagsetningu fyrir afmælið og panta stað :-)

Keila

2005-02-11T11:01:00.000Z

Jæja þá er vinnukeilumótið í kvöld. Upphitun hefst klukkan 17:00 inní bjórherbergi. Liðsbolirnir er í prentun. Verða vonandi tilbúnir fyrir kvöldið. Nafnið á liðinu er Pin Punishers, og við erum með mynd af hauskúpu á bakinu. Ætti að vekja athygli. Við erum búin að æfa nokkuð stíft undanfarið, er farinn að halda nokkuð stöðugu 120 skori. Sem er frekar lélegt :-( En við tökum þetta á teamworkinu :-) Það er annað lið í deildinni sem eru svona okkar erkióvinir. Læti ykkur vita hvernig þetta gekk.

Sumarfrí

2005-02-08T09:23:00.000Z

Í tilefni mikillar vinnu undanfarið og einstaklega óeðlilegs heimilislífs þá bókuðum við ferð til Portúgal í sumar :-) Hérna er hótelið. Svo ætla ég líka að fara að heimsækja Siggu systur í London í vor nánar tiltekið eftir 15. apríl þegar hún verður flutt inn í íbúðina sína. :-)

Titill

2005-02-04T21:34:00.000Z

Jæja fór og náði í eitt magnaðast heimilistæki seinni tíma úr viðgerð í dag. Uppþvottavélin er semsagt komin á sinn stað :-) Ætli kallanir hafi ekki sagt svona fyrir 50 árum þegar konan var veik og þurfti að sækja hana til læknis hahaha Núna hlýt ég að fá góð komment.
Við stelpurnar áttum góðan dag í gær fórum í Smáralindina í Leikland þar og svo til m&p í map. Vinna á morgun eins og venjulega og svo kíkir maður kannski á GrandHótel að fagna árangri ársins.

Life goes on

2005-01-30T18:21:00.000Z

Vá, þetta var frekar rosalegt í gær. Jónas litli strákurinn minn var að útskrifast sem Viðskiptafræðingur. Í tilefni þess var haldinn mikil veisla í húsi foreldra hans. Meðal annars var líklegast búið að blóta nauti, enda voru miklar kræsingar í boði. Má þar helst nefna sveppi fyllta með sniglum, snittur sem voru jafn stórar og ein brauðsneið, og að lokum virtist bjórinn og rauðvínið endalaust. Ég gamli maðurinn í hópnum endaði meira að segja niðrí bæ og skreið ekki heim fyrr en í kringum 3:30 með viðkomu á plat Hlölla vagninum hjá leigubílaröðinni.
Eftirköst þessa kvölds hafa verið furðu væg. Anika og Laufey fóru í sunnudagaskólann í kringum 13hundruð, þá fórum við Alexandra í göngutúr í vagninum, hittum Siggu, Tullu, Sigrúnu og Jóhönnu í Miðsölunum allir að skoða Hirihito og Akihito. Það eru sko nýju hvolparnir hjá m&p Svo kíktum við Anika aðeins í vinnuna mína, Anika teiknaði rosa fínar hendur á vegginn handa mér. Það má sko teikna á flesta veggina hjá okkur. Jæja núna er bara rólegt kvöld framundan, svæfa börnin, horfa á 24 og uppfæra prófunarlýsingar.
Að lokum við ég þakka Vilmu fyrir rauðvínið sem ég er að drekka núna, en hún skildi smá eftir handa mér á föstudaginn, ljómandi gott.
Eitt að lokum respect dagsins fær Addi fyrir að klára skólann og ná sér í 7 árum eldir konu sem á íbúð, svona á að klára hlutina. Ég var ekki einu sinni elstur í hópnum híhíhí

Kominn aftur

2005-01-29T10:05:00.000Z

Jæja, tilraun 263 til að blogga. Ég verð að viðurkenna að ég öfunda Matta http://www.orvitinn.com af hans bloggi. Maðurinn veit allt sem hann hefur gert undanfarin ár enda er það vel ritað niður.
Annars þá er ég oggu þunnur í dag. Það var nefnilega IDOL partý heima hjá mér í gær. Vinnufélagar Laufeyjar voru í svaka stuði. Eftir IDOL var farið í actionary. Ég sló eftirminnilega í gegn sem BigBen. Liðið mitt tók mjög afskerandi forskot í upphafi keppni, en svo festumst við á ,,AS'' reit og þetta var lélegt eftir það. En mórallinn hélst góður þrátt fyrir það innan liðsins. Nokkrir aðilar eiga eftir að uppgötva þá reglu um að myndavél megi ekki vera á staðnum þegar verið er að leika þennan leik... mwoohhaaahhaaahaaahhhaaaaa ég á ykkur.

Á maður að fara upp á brúðina

2004-09-22T20:22:00.000Z

Þetta er gullmoli sem Anika kom með í morgun. Við fórum með Alexöndru til dagmömmunar í morgun, Anika vildi fá að sjá hvert Alexandra færi. Allaveganna þegar við nálguðumst brú á leiðinni þá sagði Anika ,,Á maður að fara upp á brúðina''. Ég fræddi hana náttúrulega um að það væri jú tilgangurinn með þessu öllu saman ;-) hahahahaha
Sigga kom í mat fínt að fá hana til að leika smá við stelpurnar meðan maður klárar að taka allt til. Svo þegar við vorum búin að borða í kringum 19:20 þá komu Kristjana og Antonía í heimsókn. Frekar seint svona en ég ákvað að hleypa þeim aðeins inn þangað til Alexandra færi að sofa. Ég kláraði að ganga frá og hringdi svo í pabba Kristjönu, þá var mamma hennar og mamma Antoníu á leiðinni að sækja þær. Ég yfirheyrði þær þegar þær koma hvort þær væru ekki búnar að borða og hvort þær mættu vera úti og allt svoleiðis. Þær játtu þessu öllu með englasvip þannig að maður veit ekki hvort það var rétt eða ekki. Las líka bók fyrir Alexöndru áður en við fórum að sofa, þarf að reyna að ,,örva'' málþroska hennar. Hún virðist skilja ALLT, en ætlar sér ekki að segja NEITT :-)

Dagur 2 punktur

2004-09-08T22:07:00.000Z

Jæja, vann fullt í kvöld, komst að því t.d. að .NET frameworkið inniheldur ekki stuðning fyrir Serialport og þar að auki er fíni lappinn minn ekki einusinni með Serialport. Er nefnilega að reyna að lesa OCR rönd eins og er gert í bönkunum sko.
Eftir vinnu fór ég til tengdó sem var búin að vera með stelpurnar. Við fengur þar Kjötsúpu í kvöldmatinn, ljómandi gott. Ég er búinn að vera að hugsa um það lengi hvað það væri gott að fá kjötsúpu. Þarf að fara að koma mér í að búa til svona sjálfur. Fórum svo í smá heimsókn til Lindu og Olaf þ.e. ég, Anika og Alexandra. Okkur var boðið að smakka silung sem Linda veiddi í sumar. Fórum svo heim bara.

Týndur

2004-09-06T22:00:00.000Z

Jæja, ég fann aftur bloggið mitt. Kannski ég reyni að halda þessu áfram. Átti alveg ljómandi síðdegi með stelpunum. Ég fór og sótti Alexöndru til dagmömmunar svo fórum við í Brimborg til að sækja skottmottuna okkar. Já þannig er það að ég fékk okkur nýjan bíl um daginn. Það var með það eins og flest annað hjá Brimborg að hann var illa þrifinn og smá rispaður. Sölustjórinn ákvað því að skella í hann þessari skottmottu og svo fer hann aftur í þrif hjá þeim. Anyways, eftir það sóttum við Aniku í leikskólann. Fórum svo og sóttum sjónvarpið til að fara með það AFTUR í viðgerð. 28" sjónvarp er ekki létt. Þoli ekki að bera þetta á milli. Þegar við vorum búin að henda því inn fórum við á róló í hverfinu. Þar sem Alexandra getur rólað, það er svona ljómandi barnarólur þar. Þegar við komum heim hljóp Anika að leika með einhverjum stelpum, endaði svo með að ég fór út að leita að henni klukkan 19:00 þær höfðu þá farið niður í skóla. Allir höguðu sér vel í kvöld, Anika fór að sofa án vandræða. Er að horfa á CSI núna. Nenni ekki að gera neitt.

Anika

2004-07-13T10:16:00.000Z

Í dag verður afmælisveislan hennar Aniku. Stefnir í fjölda fólks. Annars átti hún einn gullmola í morgun. Þannig er að við fórum í Skorradalinn um helgina með Vidda. Gerðum helling. En við fórum á Landcrusernum hans. Aniku finnst jeppar vera skyldueign og var mjög ánægð með þetta faratæki. Núna er Brimborg loksins að gera við Focusinn og lánuðu þeir mér Volvo V40 á meðan. (eini station bílinn sem þeir áttu) Allaveganna þá er þetta ljómandi bíll með leðri og fíneríi. Þegar Anika setist upp í bílinn í morgun sagði hún eftirfarandi ,,Þetta er þægilegur bíll pabbi, á Viddi hann?'' Hummmm eins og ég geti ekki átt fínan bíl hehe Þetta var vel fyndið hjá henni.
Það eru iðnaðarmenn hér á fullu í vinnunni núna. ENGINN vinnufriður, best að blogga bara og skrifa tímaskýrslur.

Línuskautar

2004-06-21T23:41:00.000Z

Frábært veður í dag. Fór með Aniku í sund í Árbæjarlaug. Fengum stæði einhversstaðar í nágrenni Nóatúns. Ég ákvað að við yrðum að fara þýddi ekkert að hafa áhyggjur af mannfjölda. Þetta var bara mjög fínt, fólkið dreifðist vel um laugina. Komum svo heima og þá voru Alexandra og Laufey úti að leika. Það var bara fullt af krökkum í garðinum og allir að njóta veðursins. Það fengu allir sem vildu pensla og vatn hjá okkur svo var málað af fullum krafti. Merkilegt hvað þau geta dundað sér við þetta. Ég fór svo á línuskauta í hverfinu áðan. Tók góðan hring. Gerði heiðarlega tilraun til að detta þegar ég kom niður brekkuna hjá okkur, fyrir utan hjá nágrönnunum. Ragnar uppi spurði mig hvort ég væri að reyna að drepa mig, enda helv. vígalegur með allar hlífarnar og hjálminn minn. Ég er rosalega flottur með hjálminn minn. En þegar ég dett þá vil ég vera með hausinn í lagi. Þarf að fara að plata Vidda og Kidda á skauta niður í fossvogsdal með mér.

Aurar aftur á leið til landsins

2004-06-20T23:08:00.000Z

50 aurar (50Cents) eru á leiðinni til Íslands. Aurarnir gera ráð fyrir að halda hátíð á Broadway til að fagna komu sinni. 50 Aurar hefur tekið niðurfellingu meðaura sinna á Íslandi mjög illa og hefur m.a. haft í hótunum við Seðlabanka Íslands. Búist er við að 50 aurar muni berjast fyrir endurupptöku Aura þegar hann kemur til landsins. Samtök banka og verðbréfafyrirtækja munu berjast gegn upptöku aura enda var löngu kominn tími til að losa Ísland við Aura.

Helgin

2004-06-20T23:03:00.000Z

Keypti hjól handa Aniku í snemmbúna afmælisgjöf. Erum eiginlega búin að vera að hjóla síðan. Var duglegur á laugardaginn, mokaði fullt af draslu úr steinabeðinu okkar. Núna fer þetta alveg að koma. Anika svaf til 9:45 og launaði mér það svo með því að sofna rétt fyrir 23. Þá var hún búin að tússa á vegginn, frábært. Alexandra er rosalega dugleg að labba út um allt, og róla og renna sér. Heimsótti Siggu frænku aðeins í dag, hún var að deyja úr þynnku.

Er bloggið dautt?

2004-06-18T00:58:00.000Z

Mér finnst allir vera orðnir voða slappir í blogginu núna. Meðal annarra undirritaður. Annars hefur ekkert merkilegt gerst undanfarið. 17 júní í dag. Fórum ekki niður í bæ. Anika og Alexandra fóru með ömmu og afa gurrý og þorra í morgun. Þær sváfu þar, við Laufey fórum í partey í deildinni minni. Voða fínt minnt svolítið á fjölskylduboð. Margir komu með börnin sín, sá yngsti var 3 vikna, sá elsti 29. Svo var þarna líka fólk sem þekkti ekki neinn, þ.e. aðilar sem eru nýráðnir. Þau stóðu sig vel. Dagurinn í dag hefur bara verið þægilegur, ekkert búinn að vera úti í góðaveðrinu. Fékk að grilla hjá tengdó, held ég hafi bara staðið mig vel. Jæja klukkan orðinn 1am og ég ekki vitund þreyttur. Ég vaknaði sko klukkan 7:45 þegar vekjaraklukkan í símanum fór af stað. ÖMURLEGT sofnaði svo aftur í kringum 16:00 ÖMURLEGT en samt svo gott.
Stefni á að gera eitthvað í sameigninni á laugardaginn, helst að laga steinabeðið eða mála ruslaföturnar, veit ekki hvort það verður, vandi er um slíkt að spá. Bara ef ég fæ samt gott veður, þá get ég unnið þá, unnið þá unnið þá, þá get ég unnið þá.
Syngist við jólalagið. RUgl

Hádegismatur

2004-05-25T20:57:00.000Z

Ekki búinn að vera duglegur að skrifa undanfarið. Hef sofnað of snemma. Erum með Aniku í prógrammi til að láta hana sofa í sínu herbergi fyrsta skrefið er að við sofum inni hjá henni þ.e. annað okkar sefur á dýnu þar inni. Það veldur því að maður sofna bara í ,,svæfingunni'' og sefur fram á morgun. :-(
Fór með Vidda og Kidda í hádegismat í dag. Langt síðan ég hef gert það. Kiddi er ekki ennþá búinn að kaupa sér gaskút á grillið sem við gáfum honum í innfluttningsgjöf, frekar laim. Samt sé ég það samsett á svölunum hjá honum. Kom heim úr vinnunni í kringum 18 hundruð. Fann stelpurnar úti á leikvelli. Alexandra var ekki glöð með að það væri farið með hana heim. Vildi leika sér meira. Skelltum þeim báðum í bað og þá var sko glatt á hjalla.
Sigga litla systir mín sem kom frá útlöndum í gær hringdi í mig áðan. Ég var alveg viss um að hún ætlaði að segja mér hvað hún saknaði mín og hvað það hefði nú verið æði að hafa mig með. EN hún var bara að kvarta yfir að bílinn hennar MÖMMU væri bilaður og hvort að Viddi gæti litið á hann.
Well farinn að vinna smá

Fundur

2004-05-13T22:55:00.000Z

Nýkominn af húsfélagsfundi. Ég fékk það verkefni að fara í girðinganefnd. Öll húsin í lengjunni ætla að fá tilboð í eins girðingu. Sigga frænka kom í mat og Gerður kom og passaði krílin meðan ég fór á fundinn og Laufey í vinnunna. Rosa sniðugt að hætta að vinna klukkan 14, þá getur maður verið í vinnunni á kvöldin í staðinn! Anika reyndi að vera með smá stæla við mig og Gerði. Hún þurfti að kveðja mig endalaust. Svo þegar ég var farinn þá reyndi hún eitthvað við Gerði, en Gerður sá við henni. Anika var eitthvað að hóta henni að hún ætlaði ekki að fara að sofa, en Gerður sagði að þá myndi hún bara fara að gráta og Anika tók ekki séns á að kalla þetta blöff og kvaddi hana góða nótt og fór að sofa. Merkilegur krakki. Ragnar hérna uppi vakti Alexöndru með borhávaða. Hann er að setja parket karlinn. Og núna er eitthvað bank í gangi. Ég er ekki sáttur. Þarf að vakna eftir 7 tíma og 10 mín til að fara í BodyPump í fyrramálið.
Viddi reddaði Focusnum. Hann sparaði mér 104 þús kall. Ekki slæm tímalaun það. Sleppti því að skipta um hvarfakút og hreinsaði bara gumsið út úr honum í staðinn. Skulda honum bjór fyrir þetta, stóran bjór. Núna er ég að reyna að redda pössun fyrir krílin á morgun svo ég geti farið í klippingu. Þarf að láta gera eitthvað við þennan lubba. Fer til Kristjáns, hann rokkar. Fékk tíma strax þegar ég var búinn að kynna mig. Það er svona að vera búinn að mæta reglulega í nokkur ár. Gerður ætlar að passa ef ég sendi henni SMS.
Sofa c u
1 dagur í eurovisionparty hjá manninum.

Ég sleppti BudyPump

2004-05-12T12:54:00.000Z

Jæja, mætti ekki í morgun. Alexandra er búin að vera veik og ég er heima í dag. Það var alveg fínt að sofa til 7:15 þegar hún vaknaði, svo sofnuðum við aftur. Ætla samt ekki að sofa meira í dag svo ég sofni í kvöld. Vá hvað þetta er mikið um sofa þarna. Bíllinn er belaður. Hvarfakúturinn ónýtur. Kostar 104 þús að kaupa nýjan *ái*. Svo er hann að ryðga inní hurðunum. Brimborg leit á málið og þetta fellur undir ÁBYRGÐ YESSSSS. Þetta er stór mál, gæti endað með nýjum hurðum. Þarf svo að fara að selja þessa druslu og kaupa mér MUSSO :-) Annars er focusinn fínn. Well farinn að dunda mér.

Selvík ++

2004-05-10T09:23:00.000Z

Jæja kominn úr Selvík brúnn og sætur. Fengum klikkað veður, fórum í pottinn og drukkum rauðvín og borðuðum steikur. Börkur, Julia og Emma Sól voru með okkur á laugardeginum og kvöldinu. Rosa fjör hjá Aniku og Emmu í pottinum. Emma reyndi að endurtaka allar æfingar Aniku. Fór í ræktina í morgun. Tók sæmilega á því. Kennarinn er samt búinn að fá nóg af þessu konu þyngdum og horfði beint í augun á mér og fór að tala um að fólk yrði að þyngja! :-) Mér fannst það fyndið. Er að hugsa um að taka minna næst og vera fremstur aftur bara til að svekkja hana. En annars þá er kominn tími á meiri þyngdir, farinn að ráða ágætlega við þetta og get meira segja alveg gengið eftir þessa tíma. Núna á miðvikudagurinn er síðasti tíminn hjá þessum kennara og svo er hún að fara í sumarfrí. Er búinn að lofa einhverju rosa fjöri, veit ekki við hverju á að búast. Kannski kemur einhver erlendur þjálfari, kannski ætlar hún bara að ganga frá okkur. Huxa að ég mæti. Er samt smá hræddur því ég ætla að þyngja lóðin næst.

Vinna

Yíha BodyBump, Pump

2004-05-07T09:28:00.000Z

Jæja Viðeyjarfundurinn og morgun og Selvík á eftir. Fór í ræktina í morgun vaknað 6:10. Þessi tími ætti að duga núna þegar ég er búinn að kaupa kortið. Er svona í seinni kantinum. Þeir sem bíða spenntir þá gerðist það í dag. Það voru tekin SPOR !!! Þurfti eitthvað að stíga fram og aftur og skipta um löpp. Held ég hafi samt massað það. Mér líður mun betur núna heldur en eftir fyrsta tímann. Excelskjalið sýnir samt enga breytingu á fituprósentu þessa viku, en vigtin telur mig 0,5 kíló þyngri. Kannski af því að ég var með nýja símann á mér þegar ég viktaði mig haha.

Humm

2004-05-06T09:43:00.000Z

Ég varð við beiðni um að vera aðeins lengur í vinnunni í gær. Kom heim 22:30. Það var ljómandi. Núna styttist í Viðeyjarfundinn og Selvík.

Á á á á á

2004-05-04T10:42:00.000Z

Ég er töluvert aumur núna í flestum vöðvum líkamans. Það er fínt. Núna reyni ég bara að sitja kjurr, en það reynir samt á tvíhöfðan að vélrita, pælið í því, samt er ég ekki massaður þar.

Ég ætla samt í annan tíma, hann er í fyrramálið nema ef ég fer með efni upp í Skorradal, þá þarf ég að geta gengið. Það er alltaf jafn vont að koma sér aftur af stað í líkamsrækt. Og í hvert skipti sem maður er kominn yfir það verast þá segir maður ,,Núna ætla ég sko ekki að missa þetta niður'' ...
Þangað til næst.

Annars gengur ,,megrunin'' vel borða bara meira, skyr og epli og svoleiðis. Svo er kókið að minnka, vatnið að aukast og sykurinn farinn úr kaffinu. Ef svona heldur áfram þá verð ég að fara að drekka prótín drykki til að hverfa ekki. Ég er búinn að taka tvær mælingar á viktini og fitumælingartækinu hérna í vinnunni. Ætla að framkvæma próf tvisvar sinnum í viku, mánudag og föstudag. Búinn að setja þessar 2 mælingar sem ég á í exel og línuritið er að vísa niðurávið.

Góðann daginn góðann daginn

2004-05-03T11:04:00.000Z

Fór í sveitinna um helgina. Á nú eftir að henda einhverjum myndum þaðan yfir á myndabloggið. Alvörumyndavélinn okkar var nefnilega rafmagslaus og því var nýji síminn bara notaður.

Annars þá vaknaði ég klukkan 6:10 í morgun skellti mér í ræktina. Fór í BodyPump tíma. Það var alveg vont. Ég tók bara barnalóð enda langt síðan ég hreyfði mig að ráði. Þetta var fín hreyfing, tekið á öllum líkamanum. Merkilegt hvað það er hægt að gera mikið á klukkutíma við dúndrandi danstónlist. Þetta virðist mögulega henta mér ágætlega. Sjáum til hvað þetta endist. Stefni á að fara aftur á föstudaginn, á miðvikudaginn verður væntanlega farið með efni upp í Skorradal þannig að það eru átök út af fyrir sig. Huxa að ég sofni snemma í kvöld, er samt bara djölli sprækur núna. BTW. svartur dagur í vinnunni.

GSM blogg

2004-04-30T15:27:00.000Z

Jæja, ég er búinn að expanda bloggið mitt yfir á gsm blogg. Núna er hægt að skoða myndir úr símanum mínum á gsmblogg.is

Vinalisti

2004-04-27T09:43:00.000Z

Ekki það að ég eigi marga vini en þá langar mig að setja vinalista á síðuna. Þar sem ég kann ekkert á tölvur þá þarf einhver að sýna mér hvernig það er gert. Sigga, hver hjálpaði þér hahahahaha

Nýr sími

2004-04-27T09:04:00.000Z

Whoo hoo eftir 3 mánaða bið þá er ég kominn með nýjan síma. Barnið heiti Sony Ericsson P900 Flottur sími, tengist outlook fullkomlega, þetta er svona PDA líka. Getur tekið myndir, video, spilað MP3, flottir leikir. Hann er líka stór og þungur og brothættur og dýr ;-)

Alexandra byrjaði að taka nokkur skref í einu í gær, rosa dugleg. Ég sá um svæfingar á börnunum í gær, Laufey er eitthvað að klikka á þessu. Þegar hún fer inn með Aniku þá fer Anika ekki að sofa fyrr en ca. 23. Alexandra er líka byrjuð með einhverja smá stæla. Anyways þarf að fara að vinna. Fólk heldur að ég sé bara duglegur að skrifa tölvupóst þegar ég vélrita svona mikið :-)

kv
JÞ

Heilsuátak

2004-04-26T08:51:00.000Z

Allan gærdaginn hef ég fundið fyrir undarlegum tilfinningum í útlimum nánar skilgreint fótum. Eftir að hafa haft að þessu nokkrar áhyggjur og hvort að möguleiki væri að lappirnar væri þynnri en hausinn eftir Players (hausinn var samt góður), þá hef ég komist að þeirri niðurstöðu að ,,allt'' labbið í gær hafi gert út um lappirnar á mér. Jú ég labbaði á Players að heiman og svo labbaði ég smá niðrí bæ. Tók samt leigara oní bæ sko. Þannig að núna er komið að heilsuátaki. Núna verður farið út og skobbað (skokkað/labba) í minnst 15 mín á hverju kvöldi. Jafnframt verður minnkuð kókdrykkja (ekki séns að hún hætti). Jafnframt verður minna nammi og minni sykur í kaffið. M.v. fyrri reynslu þá ætti þetta að duga. Samkvæmt vigtinni er ég 0.0875 tonn. Það verður vigtað vikulega héðan í frá. Ég á auka 5 kíló sterakúrnum mínum að þakka. Gangi mér vel.
P.s. fór með Poloinn okkar í Heklu sölumaðurinn lofaði því að það yrði skipt um tímareim í honum. Núna næstum mánuði eftir að ég keypti hann þá mætti ég á verkstæðið á tilskyldum tíma. Getið hvað! Þeir voru ekki með hann bókaðan. Hringi í dýrið á eftir sjá hvort ég verið bíllaus fram eftir vikunni.

Ýmislegt

2004-04-25T20:38:00.000Z

Stundum finnst mér eins og maður hafi ekki neitt til að skrifa um en svo þegar maður rifjar upp síðustu daga þá er nú alltaf eitthvað að gerast. Kannski best að rifja upp nokkra hluti í öfugri tímaröð. Ummmm, Sigga frænka var að fara, buðum henni í mat. Ég var með 175 gramma borgara frá Nóatún og beikon kurl með. Ég fór í bíó í dag með Aniku, sáum Bróðir Björn. Það var mjög gaman kostaði líka bara 200 krónur það var eitthvað tilboð í gangi. Það var alveg troðið í 2 bíó. Ég skil ekki afhverju hlutirnir eru ekki alltaf hafðir ódýrari því þá myndi maður frekar gera þá. Tökum dæmi um flugeldar. Ef ég fengi meira fyrir peninginn þá myndi ég samt kaupa fyrir alveg jafn mikið bara vera ánægðari fyrir vikið. En annars hef ég gert góð kaup í flugeldum undanfarin ár þökk sé Dóra ;-) Anyways, þá fór ég í bæinn í gærkvöldi og hitti Jónas á Strikinu. Vidda var með mér, við vorum búnir að borða steik heima og skelltum okkur svo smá á Players í pool. Tókum einhver Mývetning í kennslu hann hafi aldrei prófað þetta. Ég bjóst við að þetta væri einhver ,,höstler'' sem ætlaði að gabba okkur en svo kom í ljós að hann gat í alvöru ekki neitt. Hann var alveg blá edrú og var bara að kíkja aðeins í bæinn. Gaman að því. Á föstudaginn vorum við Anika heima. Lékum okkur fullt og keyptum okkur bát í Tómstundahúsinu á 690 krónur, skemmtilegur gripur, siglir vel í baðinu. Jæja best að reyna að svæfa Aniku

2004-04-21T20:53:00.000Z

Sumardagurinn fyrsti

Er á morgun. Við vorum að koma úr sundi öll familían. Laufey fór svo beint þaðan í saumó. Á morgun förum við í morgunkaffi til ömmu og afa sem eiga hundanna. Gerður kom í dag. Hún er stelpa sem býr í næstu götu og ætlar að passa stelpurnar eitthvað fyrir okkur svo við getum farið eitthvað út. Erum búin að gera ekkert af því undanfarið. Hún er búin að mæta einu sinni áður. Núna fór hún með stelpurnar í gönguferð, þær fóru á ,,MarcoPolo'' Anika kallar leiksvæði hér fyrir ofan því nafni. Anika var sko meira en til í að fara með henni í nýja pollagallanum en Alexandra svaf bara. Við Anika eru uppi í rúmi að horfa á ToyStory2 og ég auðvitað að blogga. Svo er hún annars að fara að sofa rétt bráðum.Bæjó

2004-04-19T15:09:00.000Z

Afmælið

Héldum afmæli á sunnudaginn, Alexandra og Anika fengu báðar pakka. Alexandra var alveg ótrúlega fyndin á svipin þegar verið var að syngja afmælissönginn fyrir hana. Svo voru þær báðar eitthvað rosalega þreyttar. Anika sofnaði klukkan 18:30 og það þurfti að vekja hana í morgun klukkan 8. Hún var samt með smá vesen í nótt, náði að troða sér upp í rúm og kúra þar smá. Var alltaf að sparka og vesenast. Svo þegar ég setti hana aftur á dýnuna þá þurfti ég að halda í hendina á henni. Þegar ég var lítill þá þurfti ég alltaf að sofa í 10 tíma á nóttu. Núna getur maður köttað þetta niður í 5 tíma með götum og samt verið sæmilega virkandi daginn eftir. Vinndagurinn í dag mun vera frá 9 til 22 :-( vinnufundur á eftir...
EN svo verð ég í fríi frá 14:00 á miðvikudag fram á mánudag. Brill.
BTW. byrjaði að forrita admin hluta á dýrabæ, gengur bara vel.

2004-04-16T22:33:00.000Z

Afmæli

Alexandra átti afmæli í gær. Anika gaf henni dót til að æfa sig að raða og þær eru svona að hjálpast að við það. Við gáfum henni sumarúlpu, svaka fína. Amma Gurrý kom svo með dót með hávaða sem er alltaf vinsælt. Sigga frænka gaf henni skó. Hún var alveg búin að fá nóg af því að fara með hana í Kringlunna án þess að hafa nýja skó. Afmælið verður svo á sunnudaginn. Er núna að formata nýju tölvuna fyrir tengdó. Hún verður góð. Allir farnir að sofa á heimilinu uppúr 21:00 nema ég.
CU

2004-04-14T21:20:00.000Z

Dugleg

Jæja enn einn dagurinn búinn. Kom heim ,,snemma'' 16:30. Við stelpurnar voru svo bara að leika okkur og elda og svoleiðis þar til mamma kom heim um 19:00. Ég og Anika fórum svo til Vidda að skipta um dekk á bílnum. Það gekk rosa vel, Anika var mjög þæg og góð. Svo er búið að bjóða okkur á leikskólann á morgun. Það á að vera eitthvað fjör þar, man ekki hvað stóð á miðanum. Anika er allaveganna búin að tala mikið um að við séum að fara á leikskólann hennar þannig að það er ekki hægt að skorast undan því að mæta.

2004-04-12T14:53:00.000Z

Las bók!

Ég gerði svolítið merkilegt um páskanna. Ég las bók, það sem er ennþá merkilegra er að hún snérist á engann hátt um tölvur. Að vísu var smá hluti þar sem þau voru að leita í gagnagrunni en það var allt. Bókin heitir Da Vinci lykilinn eftir Dan Brown og telur léttar 453 blaðsíður. Anika og Alexandra gáfu mömmu sinni hana í jólagjöf, og Laufey las hana um jólin en ég les hana um páskanna sem er kannski við hæfi enda fjallar hún um leitina að hinum heilaga gral, hvað svo sem það nú er ;-) Annars finnst lesendum á amazon sér fátt um finnast The Da Vinci Code En mér fannst þetta ágætis afþreyging sem hélt mér meira að segja frá tölvum í þessa 2 daga sem ég var að lesa hana.
Jæja, best að fara og reyna að gera eitthvað í dýrabæ.is Alexandra er sofandi í vagninum og Anika fór í heimsókn í Fagrabæinn þannig að ég ætti að hafa 2 tíma vinnufrið. Svo er bara alvöru vinnan á morgun.

2004-04-10T12:42:00.000Z

Rólegt

Núna erum við Alexandra bara heima að dúlla okkur. Hún svaf frá 21:00 - 11:30 í morgun. Ein þreytt. Anika er í heimsókn hjá ömmu og afa í Fagrabæ. Kominn tími til að fara að drífa sig út. Í gær vorum við Anika úti að leika frá 11:30 til að verða 17:00. Vorum fyrst út á róló en fórum svo í Hvuttakot með ömmu og mömmu og Alexöndru. Svaka fjör fórum á afabíl sem er jeppi :-)
Annars er ég að fara að búa mig undir að steypa smá þar í rigningunni sem er núna úti. Humm annars merkilega lítið um þetta að segja, nema bara fjör í gær í góðu veðri.
ca

2004-04-09T08:53:00.000Z

Friday the long

Föstudagurinn langi byrjar fallega, glampandi sól mbl.is segir að þetta gæti bara verið svona í dag. Vonandi að maður geti gert eitthvað skemmtilegt. Við erum vöknuð, ég, Alexandra og Anika. Anika var að skríða fram kominn í TumaTígurnáttfötin sem Sigga gaf henni einu sinni í jólagjöf. Ég ákvað að fara og bjarga Alexöndru framúr klukkan 8:15, þá var hún samt búinn að vera að dunda sér í rúminu sínu í einhvern tíma.

Í gær var síðasta kvöldið mitt í PLP (held ég) PáskaLanPartý. Fór snemma heima 12:30. Kvöldið áður fór ég heim í leigubíl klukkan 4:30 eða seinna man ekki var á leigubíl :-) Tók nú einhverjar myndir, þarf að fara að búa til svona myndasíðu.
Alexandra og Anika ætla að fara til ömmu og afa í Fagrabæ í dag. Svo ætlar Anika að sofa þar, en við hin erum búin að koma okkur í mat í Háagerðinu. Jæja ætla að sjá hvað þær geta dundað sér lengi með mig í tölvunni.
bæ

2004-04-07T09:46:00.000Z

Sterar rokka

Síðasti vinnudagur fyrir páska og ég byrjaði hann á að taka 8 steratöflur. Fór sko til læknisins í gær og hann lét mig á þetta. Það var soldið fyndið að fara þarna. Það sem er hægt að gera við nefið á þér er ótrúlegt. T.d. er hægt að ... anyways farinn á fund meira seinna.

2004-04-06T17:03:00.000Z

2004-04-06T09:13:00.000Z

Enn eitt klúðrið

Jæja þegar ég ætlaði með stelpurnar í morgun þá komst ég að því að ég hafði hvorki húslykla til að læsa né bílstól fyrir Alexöndru. Nú voru góð ráð dýr og var brugðið á það ráð að skella þjófavarnarkerfinu af stað manualt, þ.e. ekki með fjarstýringu, og setja svo Aniku í venjulegt bílbelti og Alexöndru í hennar stól. Ekki segja neinum. Og btw. ég geri ráð fyrir að útidyrahurðinn verði ólæst til ca. 11 þegar Sigga ætlar að kíkja á málið, svona ef einhver vill kíkja við. Annars er ég að fara til læknis í dag, þá kemur í ljós hvort hann vilji senda mig í ,,nosejob'' lagga nebbann minn eitthvað því ég er svo oft kvefaður. Var svo sendur í CATscan og þarf kom í ljós að nebbinn minn er skakkur. Veit ekki hvort það er meðfætt eða eftir körfubolta í nebbann eða eitthvað, það hefur nú ekki gerst ósjaldan. Það minni minn á brandara úr gamalli mynd með Aliciu Silverstone sem ég man ekki hvað heitir jú fann það á IMDB Clueless. Allaveganna þá eru þær í leikfimi og ein stelpa segir,, I cant play tennis my doctor says I cant play any sport where balls come flying at my nose'' (hún var í neflagfæringu), þá segir önnur ,,There goes your social life'' hahahahaha
Góðan dag.

2004-04-05T10:42:00.000Z

Helgin búin

Lifði af helgina. Fór í partý á laugardagskvöldinu til Bjarna með genginu. Fórum niður í bæ og allt, heimsóttum Jónas á Prikinu og fórum svo á Gaukinn þar sem Í Svörtum Fötum reyndist vera að spila. Það var ágætt. Dreif mig heim um klukkan 3 með Kidda úr hverfinu, komum við á Nonna sem er nauðsynlegt til að bæta heilsuna daginn eftir.
Við Anika vorum svo úti að leika okkur á sunnudeginum með nágrannastelpunni, þangað til að við fórum til ömmu og afa sem eiga ekki hunda. Þau voru að koma frá útlöndum, fyrsta sem Anika spurði ömmu sína var hvort hún hefði keypt eitthvað handa sér.
Ég vil þakka Laufey fyrir morguninn hún ákvað að drífa sig í vinnuna, fór á Polo-inum. En þegar ég ætlaði að fara með stelpurnar á Focusnum þá komst ég að því að hún hafði tekið báða lyklanna með sér, þannig að ég var fastur heima. Hún á svolítið erfitt með að vera með svona mikið af vösum stelpan, veit aldrei hvar lyklarnir eru eða hversu marga hún er með. En við löbbuðum bara af stað í morgunblíðunni og Laufey kom svo keyrandi með lyklanna. Aniku finnst alveg meiriháttar að labba heim úr leikskólanum og líka í hann.
Anyways gott að taka svona morgungöngu.
l8er JÞ

2004-04-03T09:53:00.000Z

Fjörug nótt, ekki þannig fjörug samt!

Jæja, byrjaður að horfa á barnaefnið, reyndar er Anika í BobTheBuilder.com og Alexandra er á hlaupum á milli okkar í göngugrindinni. Ég vil byrja á að þakka IG og Aniku fyrir nóttina. Sá fyrrnefni ákvað að vera brilljant að læsa sig úti um miðja nótt hahaha Þegar síminn hringdi byrjaði ég á því að bölva vinnunni, en þeir hringja samt ekki oft lengur, þá snéri ég reiði minni að J. sem á það til að hringja á nóttinni aðeins í glasi, en þetta var frekar seint meira segja fyrir hana. Anyways þegar ég svo kom heim og var ný skriðin aftur upp í rúm þá byrjaði einhver tónlist að óma. Einn nágranni minn hafði verið að koma heim á svipuðum tíma keyrði rétt á eftir mér, ég ætlaði ekki að trúa mínum eigin eyrum, var fíflið að halda R&B tónleika um miðja nótt. En nei, þá hafði Anika mín forritað græjunar í herberginu sínu til að fara af stað smá fm 89,5 klukkan 5:25. Svo fór Laufey í próf áðan, þegar það er búið þá ætlum við á páskabingó í vinnunni. Anika er svo spennt að hún ætlaði að klæða sig í kjól af fyrra bragði !!! Alexandra ætlar að fá að sofa fyrir utan gluggan hjá IG á meðan. Hann sagði í nótt að þessi redding væri virði 10 passanna, 9 eftir hahahahaha Læt ykkur vita hvort við unnum eitthvað á bingóinu.

2004-04-02T20:46:00.000Z

Comments

Jæja bætti við commenta dóti, ætlaði að fá systur mína tölvuznillinginn til að ,,hjálpa'' mér með þetta. Eftir þær útskýringar hennar að Tulla hefði gert þetta fyrir hana þá ákvað ég að ,,reyna'' að grúska í gegnum þennan heim og fann þennan fína haloscan link í kóðanum. Anyways þetta virkar. Núna getið þið byrjað að dissa mig líka.

2004-04-01T22:28:00.000Z

Lítið að gerast í dag

Jæja Sigga litla systir mín er rosa dugleg, hún sótti Alexöndru til dagmömmunar klukkan 14:15 og var með hana heima til 16:15 þegar við Anika komum heim. Laufey kíkti svo við í 2 tíma en hún er að fara í próf á laugardaginn.
Ég vann alveg næstum 7 tíma í dag whoooo, var þar af 4 tíma á fundum, allt hádegið og e.h. fór í þetta. Síminn minn dó í dag, blessuð sé minning hans. Þetta var góður gripur, SonyEricsson T68i, fullt af dótafídusum sérstaklega þegar hann var nýr. Hann var orðinn svolítið þreyttur greyjið. Er að vonast til að vinnan reddi mér nýjum síma, allaveganna ef þeir vilja halda áfram að ná í mig á öllum tímum. Gæti alveg huxað mér .Svona síma (P900) en þangað til er ég að nota svona síma(5110) sem ég fann uppí skáp, frekar sad, vonandi sér einhver aumkur á mér.Er að leika mér í lappanum og horfa á Batchelor N með öðru. Þessi BOB er frekar svona duglegur.
Jæja best að leika í Dýralandi og borða tómata.

2004-03-31T22:33:00.000Z

Smá viðbót

Alexöndru semur alveg ljómandi.
Svo hefur aðlögunin hjá dagmömmunni gengið mjög vel, Elín er rosa fín og allt bara mjög afslappað.

Svo stefnir allt í smá djamm um helgina Bjaddni á ammæli. Svo ætla ég líka að fara með Aniku og Laufey í páskabingó hjá vinnuveitandanum á laugardaginn, reyni að plata IG til að vera heima meðan Alexandra sefur. Svo þarf ég að reyna að komast í klippingu til Tinnu... brjálað að gera.

2004-03-31T22:28:00.000Z

Nýr maður í blogginu

Jæja, ég er orðinn svo hrifinn af bloggi systur minnar að ég hef ákveðið að prófa þennan heim.
Hummm jæja mér tókst allaveganna að búa til vefinn.
Ætla núna að fara að vinna í næstu kynslóð af http://www.dyrabaer.is fyrir m&p áður en ég fer að sofa. Hörku samkeppni í þessum gæludýrabransa í dag.